SELAMAT NYAMBUT TAHUN BARU

 

 

 

Sepengalama udah diau ba ditu, mayuh ga penguji serta mayuh utai ke udah nyadi  ba pengidup ku. Tang munyi ko Hevance gak,

“nibuh nuan majak ke pengirau ati nuan” ko ya..

tang ngai nyadi enda ga tudah ati tok irau. Mimit utai nyadi ukai nya asai ke ulih diadu serta diatur ke magang. Tang taja pia, kasepengulih aku meh ngadu semua penanggul serta penusah ti nuntung. Aku agi ingat pesan ulih siku staff ba RH Hotel lebuh maya aku baru kerja suba. Ko ya,

“sigi enda nyamai ngepun ke nama2 utai, bujang. Sigi pedis serta tussah kitai ke baru bekerja ko ya. Tang nama utai ke dipikir serta dikingin kitai deka nyadi ila enti kitai sabra serta tan ati. Ila nuan deka meda hasil ya.” Ko ya.

Amat dalam jaku ya nya sepi ku. Maie aku pecaya key a, laban ya udah bepengalaman. Kebendar ya kami duai tu bela baru bekerja. Dua bulan lebih aku udah badu kerja ba RH Hotel, sekali sarinya aku ninga rita ya udah nyadi Manager ba siti department. See?? Aku nadai nemu kati usaha ya ngelama tu, mina aku nemu ya sigi ngamat ke pesan ya ngagai aku suba. Diato ya udah bulih hasil ya.

 Nyadi ke sekali tu, sama ga baka aku ke baru start belajar tu. Baru kemari results pansut. Naka pemedis serta naka penusah meh ati aku meda utai ke ulih aku. Pointer bagat kelalu enda nitih ke asai ati gak.  Nadai nyamai asai ati aku seari-ari nya. Tang ba aku, aku enda ulih majak ke asai ati aku empu. Penusah ati enda alah dikira. Sigi semampai ngemai penusah ngagai diri empu serta ngagai urang bukai ke begulai ngau kitai. Nyadi, bendar meh aku tuchum ba depan semua urang, taja pan ati tu agi tussah.munyi ko lagu Stella Phillip, Mulut Ketawa Ati Merinsa Ko ya.. hahaha.

Nyadi penusah ati ku tok tadi sigi enda ulih dibuai sampai ke malam sebedau aku tinduk. Nyadi benung aku gali, aku nguji berandau ngau Tuhan. Ko dalam ati aku,

       “Tuhan, beri meh ku pengering ngambi ke ti aku nyamai  oh Tuhan,”ko pikir aku. Lalu enda Mukai-mukai terdetik ba pikir aku tentang siti ayat ke manah amai serta nyadi penawar ati aku, ianya,

       EFESUS 5:20 “ Ucaplah syukur senantiasa atas segala sesuatu dalam nama Tuhan kita Yesus Kristus kepada Allah dan Bapa kita.”

      Enda berasai ati aku lalu  tetegu ngingat ke utai nya. Aku pecaya, nya meh suara Ya madah ke aku naku tu patut berterima kasih  ngagai semua utai ke udah diulih. Nya alai aku lalu nyebut 

       “Dalam nama Tuhan Jesus, aku berterima kasih  ngagai  Allah Taala atas semua pemeri ke diberi  ngagai aku ngelama tok”.  Enda berasai bulu pegu nyeregu serta berasai senang amai ati. Nama kebuah aku patut berterima kasih? Laban aku pecaya, Tuhan bisi nyendia ke rencana tauka ‘plan’ ke manah amat ngagai aku ila. Aku pecaya. Aku pecaya ke Tuhan ngasuh aku belajar lebih manah ngambi ke aku mujur agi ke  jemah ila. Lalu aku pecaya, semua utai ke manah datai ari Ya. Lalu utai ken da manah laban ari aku empu.

       Ni utai  ke manah diberi Tuhan ke aku dalam konteks tu? Iyanya, pengerai serta pemujur aku nyaut semua peresa nyak. Nya pemanah serta peluang diberi Tuhan ngagai aku. Aku mina duduk ba dewan peresa serta nyaut semua utai ke diberi ba kertas peresa melalui PDP sebedau tok. Ent Tuhan enda ngau pemendar ya nyaga aku sepanjang sem lepas, kada enda aku udah bulih penusah ke balat ngujungka aku enda ulih nyaut peresa? Tang naka pemanah Tuhan ngau aku, nyadi semua peluang udah dibuka, mina aku aja patut nyaut enggau manah. Nyadi, baka ke diatu aku udah nyepi kati asai nyadi urang ke pemadu baruh. Terim kasih Tuhan laban udah muka mata serta ati aku ngambi ke aku belajar bebendar udah tu. Enti ko urang, IPAK ASAI YA ENDA BELAJAR BEBENDAR. Au. Amat meh nyak. Tu meh asai ya men sia-sia ke peluang udah dibuka Tuhan ke kitai.

       Aku mega minta ampun ngagai Tuhan atas attitude aku ti nusah ke apai indai laban udah bendar berusaha ngambi ke aku agi diau serta duduk ba ditu belajar.

 Pulai baru ngagai pesan staff kami nya, engka nangka ke mula pun tok aku tusah ngetat ke semua ya ari semua penyalah ti udah digaga aku empu. Tang aku enda patut beputus asa, laban upah ti besai nganti aku ke jemah ila ulih diberkat apai indai serta diberkat Tuhan ba masa depan din,. Nya alai, getting serious from now on.

HALLELUYA!